16:15 h. Lunes, 23 de Octubre de 2017

Xornal Retrincos

FORON A GRAN FESTA DA ESCENA GALEGA

Os premios María Casares consagran a 'Un cranio furado'

O Teatro Rosalía de Castro acolleu está noite a gran festa da escena galega, coa cerimonia de entrega dos XV Premios de Teatro María Casares, organizados pola Asociación de Actores e Actrices de Galicia (AAAG).
Agencias  |  24 de Marzo de 2011 (11:19 h.)
Más acciones:

Quico Cadaval
Quico Cadaval

O Teatro Rosalía de Castro acolleu está noite a gran festa da escena galega, coa cerimonia de entrega dos XV Premios de Teatro María Casares, organizados pola Asociación de Actores e Actrices de Galicia (AAAG).

A gala, un ano máis, celebrouse na Coruña, o lugar de nacemento da que foi filla predilecta da cidade, María Casares. Máis de 550 persoas, entre actores, actrices, autores, produtores, músicos, bailaríns, directores e demais profesionais de todas as ramas deste sector, non se perderon a cita co teatro galego.

O espectáculo sorprendeu pola súa estética e ritmo terroríficos. Estivo dirixido por Carlos Sante e Juanillo Esteban, con dirección musical de Gastón Rodríguez e idea orixinal e guión, de Willy Éter. A cerimonia mobilizou a máis de 70 profesionais.

Presentaron Gonçalo Guerreiro e Pedro Brandraiz, adecuadamente caracterizados como o Doutor Crisè e o seu axudante Casemorro, acompañados de artistas como o escocés Johnny Melville.

Un dos momentos máis emocionantes da cerimonia foi a entrega a Xan Cejudo do Premio de Honra Marisa Soto. O coruñés, premiado na súa cidade, amosouse moi agradecido e emocionado por este galardón co que a Asociación de Actores e Actrices de Galicia (AAAG) quixo recoñecer a longa traxectoria deste “mestre de mestres” e máis a súa singular contribución á profesionalización do teatro en Galicia.

Durante a cerimonia, o historiador e presidente do Consello da Cultura Galega Ramón Villares leu o Manifesto Galego do Día Internacional do Teatro.

Pola súa parte, na súa intervención, o presidente da AAAG, Antonio Durán “Morris”, apuntou que ”os axustes económicos nos investimentos que fai o Goberno a través a Consellería de Cultura poñen en serio perigo todo o conseguido ata hoxe. Rebaixar nun 20% o investimento nos nosos espectáculos suporá para moitas compañías e moitos profesionais ter que colgar o cartel: “Suspéndese a función”.

“Hoxe” –sinalou Morris- “cando máis deberiamos pensar en como salvar o tecido cultural deste país, con todo o que iso implica, parece que xa todos nos contaxiamos dese gran debate que é a Cidade da Cultura: Contedores e Contidos, onde xa non sabemos cales son os contedores, cales os contidos, ou se os propios contedores pasan a ser contidos”.

Pero, o presidente da AAG, destacou: “malia a todo, debemos estar tranquilos. Tempo haberá para debatelo: somos actores, somos actrices, amamos a escena, estamos aquí e seguiremos estando. Só pedimos facelo coa dignidade que nós e o público nos merecemos”.

Os XV Premios María Casares contan coa colaboración, entre outros, de AGADIC, Concello da  Coruña, Fundacion AISGE, Novacaixagalicia, GADISA, Concello de Ames, Cadena Ser e TVG.

'Un cranio furado' de Quico Cadaval foi o gañador da noite.

LISTADO COMPLETO DE GAÑADORES

MELLOR MAQUILLAXE: Tanxarina por “Trogloditas” de Tanxarina
MELLOR VESTIARIO: Carlos Alonso por “Trogloditas” de Tanxarina
MELLOR ILUMINACIÓN: Suso Díaz por “O incerto señor don Hamlet, príncipe de Dinamarca” de Sarabela Teatro
MELLOR MÚSICA ORIXINAL: José Luis Prieto e Carlos Mosquera “Mos” por “Life is a Paripé” de Obras Públicas
MELLOR ADAPTACIÓN-TRADUCIÓN: Avelino González por “Memorias das Memorias dun neno labrego” de Abrapalabra Creacións Escénicas
MELLOR TEXTO ORIXINAL: Rubén Ruibal por “Limpeza de Sangue” de Espello Cóncavo
MELLOR ESCENOGRAFÍA: Marcelino de Santiago “Kukas” por “Un Cranio Furado “ de Producións Teatráis Excéntricas
MELLOR ACTRIZ SECUNDARIA: Marta Ríos por “Volpone” de Talía Teatro.
MELLOR ACTOR SECUNDARIO: Santi Romay por “Un Cranio Furado “ de Producións Teatráis Excéntricas
MELLOR ACTRIZ PROTAGONISTA: Iolanda Muiños por “Life is a Paripé” de Obras Públicas
MELLOR ACTOR PROTAGONISTA: Evaristo Calvo por “Un Cranio Furado“ de Producións Teatráis Excéntricas
MELLOR DIRECCIÓN: Marta Pazos por “Super8” de Voadora
MELLOR ESPECTÁCULO: “Un Cranio Furado“ de Producións Teatráis Excéntricas

Más noticias en CULTURA

  La orden que regula el canon digital anulada por la Audiencia Nacional

La Audiencia Nacional ha declarado hoy nula la orden ministerial sobre el canon digital que regula desde 2008 una tasa aplicada sobre los soportes...

  Gala monstruosa para os XV premios de teatro María Casares

O presidente da Asociación de Actores e Actrices de Galicia, Antonio Durán “Morris” e a concelleira de Cultura da...
Noticias de hoy