A Executiva do BNG proporá hoxe que o ex portavoz nacional da formación frontista e líder da corrente Encontro Irmandiño, Xosé Manuel Beiras, presida a comisión de estratexias creada no seo do Consello Nacional, que é o máximo órgano de decisión entre asembleas da organización nacionalista.
Segundo as fontes consultadas, o histórico nacionalista sería o moderador deste grupo de traballo que, ademais, crearíase segundo unha proposta do propio Beiras e que foi aprobada no Consello Nacional do pasado 12 de setembro.
Os membros do Encontro Irmandiño que lidera Beiras decidiron quedar fóra da Executiva tras a última asemblea, pero son chave dentro do Consello Nacional, polo que ao integrar ao ex líder da oposición nun cargo de certa importancia tamén buscan as outras correntes –UPG e Máis BNG– axudar á integración da fronte ou ben gañarse o favor dese sector.
Ademais deste apartado da orde do día, o máximo órgano do Bloque tamén se ampliará hoxe en catro membros que proceden das asembleas comarcais, e que se corresponden con dous membros da UPG, un de Máis BNG e outro a maiores do propio Encontro Irmandiño.
TENDENCIAS | 11-05-2010
Cruising GaliciaMUNDO | 13-03-2011
Los ciudadanos de Islandia han hecho dimitir al gobiernoESPAÑA | 05-03-2011
Las mejores frases de ZapateroSexo | 26-01-2011
Cómo hacer un masaje eróticoOCIO | 12-01-2011
Viajar por el mundo con alojamiento gratis